اسلحہ کی نمائش سے خوف و ہراس پھیلانے والوں کے خلاف کریک ڈاؤن جاری: تھانہ ٹھیکریوالہ پولیس نے 2 ملزمان کو گرفتار کر لیا

فیصل آباد: 10 اکتوبر (ڈیجیٹل اطلاع) پولیس نے ہوائی فائرنگ اور اسلحہ کی برہنہ نمائش کے ذریعے علاقے میں خوف و ہراس پھیلانے والے عناصر کے خلاف کریک ڈاؤن کا سلسلہ جاری رکھتے ہوئے دو ملزمان کو گرفتار کر لیا ہے۔

تفصیلات کے مطابق ملزمان محسن علی اور وقاص علاقے میں غیر قانونی اسلحہ کی نمائش اور نمائش کے ذریعے شہریوں میں خوف پھیلانے میں ملوث تھے۔ واقعے کا نوٹس لیتے ہوئے ایس ایچ او تھانہ ٹھیکریوالہ افضال نے پولیس ٹیم کے ہمراہ کامیاب کارروائی کرتے ہوئے دونوں ملزمان کو گرفتار کر لیا اور ان کے خلاف فوری مقدمہ درج کر لیا۔

اس موقع پر اپنے پیغام میں سی پی او فیصل آباد نے واضح کیا کہ قانون کی پاسداری کو ہر صورت یقینی بنایا جائے گا اور غیر قانونی اسلحہ کی نمائش یا ہوائی فائرنگ کر کے امن و امان میں خلل ڈالنے والوں کو کسی صورت برداشت نہیں کیا جائے گا۔