فیصل آباد، پاکستان 28 ستمبر (ڈیجیٹل اطلاع) — فیصل آباد میں پولیس نے منشیات فروشی میں ملوث تین ملزمان کو گرفتار کر کے ان کے قبضے سے تقریباً 4 کلو چرس برآمد کر لی۔
ترجمان پولیس کے مطابق تھانہ بلوچنی کے ایس ایچ او محسن عباس کی سربراہی میں کارروائی کے دوران ملزمان فرمان علی، رمضان اصغر اور خرم کو حراست میں لیا گیا، جن کے پاس سے 3 کلو 910 گرام چرس برآمد ہوئی۔
پولیس نے ملزمان کے خلاف مقدمہ درج کر کے قانونی کارروائی شروع کر دی ہے جبکہ ان کے سپلائی نیٹ ورک اور دیگر سہولت کاروں کا سراغ لگانے کے لیے تفتیش جاری ہے۔
سی پی او فیصل آباد نے اس موقع پر کہا کہ نوجوان نسل کے محفوظ مستقبل کو یقینی بنانے کے لیے منشیات فروشوں کے خلاف بلاامتیاز اور سخت آپریشنز جاری رہیں گے۔
schedule
تازہ ترین پوسٹس
