فیصل آباد میں ٹریفک حادثہ، موٹر سائیکل سوار اور پیدل شخص جاں بحق

فیصل آباد، 7 اگست: فیصل آباد کے علاقے جھال پل انڈر پاس، عبداللہ پور کینال روڈ پر جمعہ کو پیش آنے والے ٹریفک حادثے میں دو افراد جاں بحق ہوگئے۔

ریسکیو 1122 کے مطابق ایک موٹر سائیکل سوار نے سڑک عبور کرنے والے پیدل شخص کو ٹکر مار دی، جس کے نتیجے میں 62 سالہ محمد یار ولد محمد سلطان اور 23 سالہ حمزہ ولد گلزار موقع پر ہی دم توڑ گئے۔

اطلاع ملنے پر ریسکیو 1122 کی ٹیم فوری طور پر جائے وقوعہ پر پہنچی اور متاثرین کو طبی امداد اور سی پی آر فراہم کی، تاہم دونوں کو بچایا نہ جا سکا۔

ریسکیو اہلکاروں نے ضروری قانونی کارروائی مکمل کرنے کے بعد دونوں افراد کی لاشیں پولیس اور اہل خانہ کی موجودگی میں الائیڈ اسپتال فیصل آباد منتقل کر دیں۔