فیصل آباد، پاکستان 27ستمبر (ڈیجیٹل اطلاع) — محکمہ زراعت پنجاب نے فیصل آباد ڈویژن میں سموگ کے تدارک کے لیے انسدادِ باقیات جلاؤ مہم کو تیز کرنے اور آنے والے ربیع سیزن کے لیے 18.30 لاکھ ایکڑ پر گندم کی کاشت کا ہدف مقرر کر دیا ہے، ڈائریکٹر جنرل زراعت (توسیع) پنجاب چوہدری شہباز اختر نے ڈویژنل جائزہ اجلاس کی صدارت کرتے ہوئے ہدایت کی کہ اکتوبر کے پہلے ہفتے سے شروع ہونے والی دھان کی کٹائی کے پیشِ نظر فصلوں کی باقیات جلانے کے خلاف حکومتِ پنجاب کی زیرو ٹالرنس پالیسی پر سختی سے عملدرآمد کرایا جائے۔
انہوں نے موٹرویز کے اطراف 24 گھنٹے فعال نگرانی ٹیمیں تعینات کرنے، مساجد سے آگاہی اعلانات کرانے اور کاشتکاروں کو سپر سیڈر جیسی جدید ٹیکنالوجی کے استعمال کی ترغیب دینے کی ہدایت کی تاکہ سموگ سے بچاؤ ممکن ہو سکے۔
اجلاس کے دوران 1-20 نومبر تک گندم کی بروقت کاشت، تصدیق شدہ بیج کے استعمال اور فی ایکڑ پیداوار میں 3 من اضافے کا ہدف طے کیا گیا، جبکہ پنجاب کسان کارڈ کی 100 فیصد ریکوری یقینی بنانے کے لیے فیلڈ سٹاف کو متحرک کر دیا گیا ہے
تازہ ترین پوسٹس
