فیصل آباد مارشل آرٹس ایسوسی ایشن کے نئے عہدیداران کا انتخاب، چوہدری محمد اشرف گجر نے حلف لیا

فیصل آباد، 2 اکتوبر 2026ء (ڈیجیٹل اطلاع): فیصل آباد مارشل آرٹس ایسوسی ایشن کی جنرل کونسل کا اہم انتخاباتی اجلاس جمعہ کے روز کریسنٹ سپورٹس کمپلیکس میں منعقد ہوا، جس میں دس سے زائد الحاق شدہ ایسوسی ایشنز کے نمائندوں نے اگلے چار سال کے لیے نئی قیادت کا انتخاب کیا۔ تقریب کے مہمانِ خصوصی چوہدری محمد اشرف گجر نے نومنتخب عہدیداران سے حلف لیا اور انہیں کامیابی کے نوٹیفکیشن تقسیم کیے۔ انتخابات کے نتیجے میں ڈاکٹر اظہار الحق کو سرپرست اعلیٰ، الحسام الحق کو چیئرمین، حاجی محمد رفیع کو صدر اور اشتیاق ترابی کو جنرل سیکرٹری منتخب کیا گیا ہے۔ جبکہ محمد عباس اور رانا رحمن سینئر نائب صدر، رؤف ناز وائس چیئرمین، علی عدنان ڈپٹی جنرل سیکرٹری، محمد عاطف نومی ملک جوائنٹ اور انفارمیشن سیکرٹری، اور ملک مختار اعوان ایڈووکیٹ ہائی کورٹ لیگل ایڈوائزر کی ذمہ داریاں سنبھالیں گے۔ اس کے علاوہ حاجی محسن فاروق، حافظ اظہر محمود، صائمہ اقبال اور بتول زینب سمیت دیگر کو ایگزیکٹو کمیٹی کے ارکان کے طور پر منتخب کیا گیا ہے جو آئندہ چار سال تک مارشل آرٹس کے فروغ کے لیے خدمات انجام دیں گے۔