سی پی او فیصل آباد تنویر حسین کی کھلی کچہری، شہریوں کے مسائل سنے اور فوری حل کے احکامات جاری

فیصل آباد، 3 اکتوبر 2026ء (ڈیجیٹل اطلاع): سی پی او فیصل آباد تنویر حسین نے اپنے دفتر میں کھلی کچہری کا انعقاد کیا، جس میں بڑی تعداد میں شہریوں نے شرکت کر کے اپنی درخواستیں پیش کیں اور اپنے ذاتی و قانونی مسائل سے آگاہ کیا۔ سی پی او نے موقع پر موجود متعلقہ افسران کو شہریوں کے مسائل ترجیحی بنیادوں پر اور بروقت حل کرنے کے سخت احکامات جاری کیے۔ اس موقع پر گفتگو کرتے ہوئے ان کا کہنا تھا کہ کھلی کچہری کا بنیادی مقصد عوام کی شکایات کا ازالہ کرنا ہے، اور فیصل آباد کے شہری کسی بھی سفارش کے بغیر بلا تاخیر اپنے مسائل لے کر پیش ہو سکتے ہیں۔

انہوں نے واضح کیا کہ شہریوں کے ساتھ ناانصافی اور انصاف کی فراہمی میں غیر ضروری تاخیر کسی صورت برداشت نہیں کی جائے گی۔ تھانوں میں بہترین سروس ڈیلیوری کو ہر صورت یقینی بنایا جا رہا ہے تاکہ عوام اور پولیس کے درمیان فاصلے کم ہوں۔ سی پی او تنویر حسین نے عزم ظاہر کیا کہ وزیر اعلیٰ پنجاب کے ویژن کے مطابق شہریوں کو ان کی دہلیز پر بروقت انصاف کی فراہمی کے لیے تمام ممکنہ اقدامات بلا تعطل جاری رہیں گے۔