فیصل آباد، پاکستان 28ستمبر (ڈیجیٹل اطلاع) — فیصل آباد کی پنجاب انفورسمنٹ اینڈ ریگولیٹری اتھارٹی (پیرا) فورس نے غلام محمد آباد سبزی منڈی کے باہر تجاوزات کے خلاف آپریشن کرتے ہوئے سڑکیں اور راستے کلیئر کروا دیے۔
یہ کارروائی اسسٹنٹ کمشنر سٹی اورنگزیب گورایا اور ایس ڈی ای او پیرا سٹی ندیم ناصر کی ہدایت پر کی گئی، جس کے دوران سڑک کنارے قائم غیر قانونی ریڑھیاں اور عارضی ساختیں ہٹا دی گئیں۔حکام نے سبزی فروشوں کو پابند کیا کہ وہ تمام تجارتی سرگرمیاں منڈی کی مقررہ حدود کے اندر رکھیں تاکہ ٹریفک کا بہاؤ متاثر نہ ہو۔
انتظامیہ کی جانب سے سخت خبردار کیا گیا ہے کہ آئندہ منڈی کی حدود سے باہر تجاوزات قائم کرنے یا کاروبار کرنے کی صورت میں بلاامتیاز قانونی کارروائی کی جائے گی اور متعلقہ افراد کے خلاف ایف آئی آر درج کی جائے گی
schedule
تازہ ترین پوسٹس
