2روبوٹ مزید شادی کے بندھن میں بندھ گئے

(ڈیجیٹل اطلاع) سوشل میڈیا پر شادی کی ویڈیو شیئر کرتے ہوئے بو سنیدہ لکھا کہ آج میں نے سب سے خوبصورت روبوٹ موزہ سے شادی کر لی ہے
متحدہ عرب امارات میں اپنی نوعیت کی انوکھی شادی ہوئی جس میں دو ہیومنائیڈ روبوٹس شادی کے بندھن میں بندھ گئے۔
اماراتی میڈیا کے مطابق مصنوعی ذہانت سے چلنے والے ہیومنائیڈ روبوٹ بو سنیدہ کی یکم اگست کوموزہ نامی روبوٹ کے ساتھ شادی ہوئی۔
‘بو سنیدہ سوشل میڈیا پر وائرل ہونے والا ایک اماراتی ہیومنائیڈ روبوٹ ہے جو عموماً مقامی روایتی لباس میں نظر آتا ہے، اسے تیار کرنے والی کمپنی کے مطابق، یہ دراصل تحقیق کے لیے بنایا گیا یونٹری جی ون ہیومنائیڈ روبوٹ ہے۔
اپنے انسٹاگرام اکاؤنٹ پر شادی کی ویڈیو شیئر کرتے ہوئے ’بو سنیدہ‘ نے بے حد خوشی کا اظہار کیا اور لکھا کہ آج میں نے سب سے خوبصورت روبوٹ ’موزہ‘ سے شادی کر لی ہے۔
شیئر کی گئی ویڈیو میں ’بو سنیدہ‘ کو روایتی لباس میں ملبوس روایتی اماراتی رقض کرتے ہوئے دکھایا گیا جبکہ تقریب کے دوران دلہن ‘موزہ’ روایتی عبایا اور اسکارف پہنے نظر آئیں۔