فیصل آباد: آر پی او فیصل آباد سہیل اختر سکھیرا سے دیوبندی علما کرام کے وفد نے ملاقات کی، جس میں خطے میں امن و امان کی صورتحال اور باہمی تعاون کے امور پر تبادلہ خیال کیا گیا۔
وفد میں مفتی ضیاء مدنی، مولانا حبیب الرحمن صدیقی، پیر ناظم حفیظ اور دیگر معزز علما کرام شامل تھے۔
ملاقات کے دوران آر پی او فیصل آباد نے امن و امان کے قیام میں علما کرام کے مثبت کردار کو سراہا۔ علما کرام نے امن، سلامتی اور بین المسالک ہم آہنگی کے فروغ کے لیے پولیس کے ساتھ بھرپور تعاون کی یقین دہانی کرائی۔
سہیل اختر سکھیرا نے کہا کہ معاشرے میں امن، برداشت، رواداری اور بھائی چارے کے فروغ میں علما کرام کا کردار انتہائی اہم ہے۔ پولیس اور علما کرام کے باہمی تعاون سے امن و امان کو مزید بہتر بنانے کے لیے مؤثر اقدامات جاری رکھے جائیں گے۔
انہوں نے کہا کہ مذہبی ہم آہنگی اور رواداری کا فروغ وقت کی اہم ضرورت ہے، جس کے لیے تمام مکاتبِ فکر کو اپنا مثبت اور تعمیری کردار ادا کرنا ہوگا۔
تازہ ترین پوسٹس
