فیصل آباد: ڈائریکٹر لائیوسٹاک کا جھنگ کا دورہ، ویٹرنری سروسز اور PLC فیز تھری کا جائزہ

فیصل آباد، 21 اگست 2026: ڈائریکٹر لائیوسٹاک ڈاکٹر حیدر علی خان نے ضلع جھنگ کا دورہ کیا، جہاں انہوں نے ایڈیشنل ڈائریکٹر لائیوسٹاک جھنگ، ڈپٹی ڈائریکٹر لائیوسٹاک جھنگ کے دفاتر اور سول ویٹرنری ہسپتال ماجھی سلطان کا معائنہ کیا۔

دورے کے دوران انہوں نے پنجاب لائیوسٹاک کارڈ (PLC) فیز تھری کے تحت جاری تصدیقی سروے، ویٹرنری ہیلتھ کیئر سروسز، عملے کی حاضری، سرکاری ریکارڈ، ادویات کی دستیابی، فیلڈ سرگرمیوں، صفائی ستھرائی اور مجموعی سروس ڈیلیوری کا تفصیلی جائزہ لیا۔

ڈاکٹر حیدر علی خان نے متعلقہ افسران اور فیلڈ اسٹاف کو ہدایت کی کہ PLC فیز تھری کے تصدیقی سروے کا عمل شفاف اور مقررہ وقت کے اندر مکمل کیا جائے۔

انہوں نے مویشی پال کسانوں کو مؤثر اور بروقت ویٹرنری سہولیات فراہم کرنے اور انہیں ہر ممکن سہولت دینے پر بھی زور دیا۔

ڈائریکٹر لائیوسٹاک نے افسران اور فیلڈ اسٹاف کو ہدایت کی کہ سرکاری خدمات کی فراہمی میں معیار، شفافیت اور عوامی سہولت کو اولین ترجیح دی جائے۔