فیصل آباد (20 اگست 2026ء): ڈپٹی کمشنر محمد نعمان صدیق نے الائیڈ ہسپتال ون کا دورہ کیا اور مختلف شعبہ جات میں مریضوں کو فراہم کی جانے والی طبی سہولیات اور سروس ڈیلیوری کا تفصیلی جائزہ لیا۔
ڈپٹی کمشنر نے سرجیکل ایمرجنسی، پیتھالوجی، پیڈز، پیڈز آئی سی یو، یورالوجی اور آؤٹ پیشنٹ ڈیپارٹمنٹ کا دورہ کیا اور وہاں جاری طبی و انتظامی امور کا معائنہ کیا۔
اس موقع پر انہوں نے مریضوں اور ان کے لواحقین سے ملاقات کی اور ہسپتال میں فراہم کی جانے والی طبی سہولیات، سروس ڈیلیوری اور ادویات کی دستیابی کے بارے میں دریافت کیا۔ مریضوں اور لواحقین نے ہسپتال میں فراہم کی جانے والی سہولیات پر اطمینان کا اظہار کیا۔
ڈپٹی کمشنر محمد نعمان صدیق نے ہسپتال کے کنسلٹنٹس اور ڈاکٹرز سے بھی ملاقات کی اور مریضوں کے بہتر انتظام، علاج معالجے اور دیگر آپریشنل امور پر تبادلہ خیال کیا۔
انہوں نے ہسپتال انتظامیہ اور طبی عملے کو ہدایت کی کہ مریضوں کو بروقت، معیاری اور بہتر طبی سہولیات کی فراہمی یقینی بنائی جائے اور سروس ڈیلیوری کے معیار کو مزید بہتر بنایا جائے۔
Latest Posts
