اومیگا ریذیڈیشیا کے پارٹنرز میں مبینہ جھگڑا، چند روز بعد صلح کی اطلاعات

فیصل آباد، 10 اگست: اومیگا ریذیڈیشیا فیصل آباد کے مالک چوہدری سرور لنگڑیال اور لاہور کے رہائشی ان کے پارٹنر شیخ شاہد کے درمیان مبینہ طور پر کلائنٹس کی ادائیگیوں کے معاملے پر جھگڑے کی ویڈیو سامنے آئی ہے۔ تاہم یہ ویڈیو تقریباً 20 روز پرانی بتائی جا رہی ہے۔

دستیاب اطلاعات کے مطابق لاہور کے ایک پراجیکٹ میں کلائنٹس کی جانب سے ادائیگیاں کیے جانے کے باوجود پلاٹس کی فائلیں فراہم نہ کیے جانے کے معاملے پر چوہدری سرور لنگڑیال نے مبینہ طور پر اپنے پارٹنر سے وضاحت طلب کی۔

اطلاعات کے مطابق معاملے پر دونوں کے درمیان تلخ کلامی ہوئی جو مبینہ طور پر ہاتھا پائی تک پہنچ گئی۔ واقعے سے متعلق سامنے آنے والی ویڈیو بھی اسی تنازع سے منسلک بتائی جا رہی ہے۔

ذرائع کے مطابق دونوں فریقوں کے درمیان بعد ازاں تین روز قبل صلح ہوگئی تھی۔

یہ بھی قابل ذکر ہے کہ اومیگا ریذیڈیشیا فیصل آباد کے حوالے سے سامنے آنے والے معاملات کے بعد لاہور کے پراجیکٹ سے متعلق بھی مختلف تنازعات کی اطلاعات سامنے آ رہی ہیں۔

تاہم مذکورہ الزامات اور تنازع کی آزادانہ طور پر تصدیق نہیں ہو سکی۔ متعلقہ فریقین کا مؤقف سامنے آنے کی صورت میں اسے بھی خبر کا حصہ بنایا جا سکتا ہے۔