فیصل آباد، 28 اگست 2026ء — کمشنر فیصل آباد ڈاکٹر عمران حامد شیخ نے ریڈیو پاکستان چوک پر ٹریفک کے بڑھتے ہوئے دباؤ کو کم کرنے کے لیے ڈی گراؤنڈ مارکیٹ سے ٹریفک کے اخراج کے لیے متبادل راستہ بنانے کی منظوری دے دی۔
انتظامیہ کے مطابق نئے راستے کی تعمیر سے ڈی گراؤنڈ مارکیٹ سے نکلنے والی ٹریفک کو متبادل راستہ ملے گا، جس کے نتیجے میں ریڈیو پاکستان چوک پر ٹریفک کا دباؤ کم ہونے اور شہریوں کو آمدورفت میں سہولت ملنے کی توقع ہے۔
ریڈیو پاکستان چوک کو کشادہ کیا جائے گا
اس منصوبے کے تحت ریڈیو پاکستان چوک کو بھی کشادہ کیا جائے گا تاکہ ٹریفک کی روانی بہتر بنائی جا سکے اور رش کے مسئلے پر قابو پایا جا سکے۔
کمشنر ڈاکٹر عمران حامد شیخ نے کہا کہ شہریوں کو بہتر اور معیاری سفری سہولیات کی فراہمی ضلعی انتظامیہ کی ترجیحات میں شامل ہے۔
انہوں نے کہا کہ شہر میں ٹریفک کی روانی بہتر بنانے، شہریوں کو سفری سہولت فراہم کرنے اور ٹریفک کے مسائل کے مستقل حل کے لیے ہر ممکن اقدامات کیے جا رہے ہیں۔
Latest Posts
