منشیات اسمگلنگ میں ملوث بڑے نیٹ ورک کا ملزم گرفتار، تیس کلو گرام چرس برآمد

فیصل آباد یکم اکتوبر ڈیجیٹل اطلاع: فیصل آباد میں پولیس نے منشیات اسمگلنگ میں ملوث ایک بڑے نیٹ ورک کے خلاف کارروائی کرتے ہوئے ملزم کو گرفتار کر لیا ہے اور اس کے قبضے سے لاکھوں روپے مالیت کی تیس کلو گرام چرس برآمد کی ہے۔

تفصیلات کے مطابق گرفتار ہونے والا ملزم عمیر منشیات کے ایک وسیع سپلائی نیٹ ورک میں ملوث تھا۔ ایس ایچ او تھانہ کھرڑیانوالہ عاطف شہزاد نے بروقت کارروائی کرتے ہوئے ملزم کو حراست میں لے لیا ہے، اور اس سے سپلائی کے دیگر ذرائع اور بیک ٹریکنگ کے حوالے سے مزید تفتیش جاری ہے۔

اس عزم کا اعادہ کرتے ہوئے کہ نوجوان نسل کے محفوظ مستقبل کے لیے منشیات فروشوں کے خلاف بھرپور کارروائیاں جاری رہیں گی، سی پی او فیصل آباد نے پولیس ٹیم کی کارکردگی کو سراہا ہے۔