پاکستانی طلبہ کے لیے گوگل جیمنائی کی ایک سالہ مفت سبسکرپشن، اپلائی کرنے کا طریقہ

کراچی، 17 اگست 2026: گوگل نے پاکستان سمیت دنیا بھر کے طلبہ کے لیے ایک سالہ مفت Google Gemini سبسکرپشن کا اعلان کیا ہے۔ اہل طلبہ ایک آسان آن لائن طریقہ کار کے ذریعے اس سہولت کے لیے درخواست دے سکتے ہیں۔

مفت جیمنائی سبسکرپشن کے لیے اپلائی کرنے کا طریقہ

1۔ سب سے پہلے Google AI Student Offer پر جائیں۔

2۔ ایک سال کے لیے مفت Google AI Plus کا آپشن منتخب کریں۔ عام طور پر اس سبسکرپشن کی فیس تقریباً 1,400 روپے ماہانہ بتائی جاتی ہے۔

3۔ اس کے بعد گوگل آپ کو طالب علم کی حیثیت کی تصدیق کے لیے ایک نئے صفحے پر لے جائے گا۔

4۔ مطلوبہ معلومات درج کریں، جن میں نام، والد کا نام، ملک، تعلیمی ادارہ، تاریخ پیدائش اور ای میل ایڈریس شامل ہیں۔

5۔ اپنی طالب علم کی حیثیت کی تصدیق کے آپشن پر کلک کریں۔

6۔ طالب علم ہونے کے ثبوت کے لیے مطلوبہ دستاویزات اپ لوڈ کریں۔

ان میں ممکنہ طور پر درج ذیل دستاویزات شامل ہو سکتی ہیں:

• طالب علم کا شناختی کارڈ
• تعلیمی ٹائم ٹیبل یا شیڈول
• ٹیوشن فیس کی رسید

دستاویزات کا جائزہ لینے اور طالب علم کی حیثیت کی تصدیق کے بعد اہل طلبہ کو ایک سال کے لیے Gemini اور متعلقہ Google AI سہولیات مفت فراہم کی جائیں گی۔

یہ اعلان وزیراعظم شہباز شریف کی جانب سے اسلام آباد میں گوگل کے پاکستان میں نئے دفتر کے افتتاح کے چند روز بعد سامنے آیا ہے۔ اس موقع پر گوگل کے نائب صدر ولسن وائٹ کی سربراہی میں نو رکنی وفد نے وزیراعظم سے ملاقات بھی کی تھی۔