فیصل آباد، 29 ستمبر (ڈیجیٹل اطلاع) — فیصل آباد کے تھانہ بلوچنی پولیس کی جانب سے شہید کانسٹیبل محمد خان کی برسی کے موقع پر خصوصی تقریب کا انعقاد کیا گیا، جہاں پولیس دستے نے شہید کی قبر پر سلامی دی، پھولوں کی پتیاں نچھاور کیں اور فاتحہ خوانی کی۔
تفصیلات کے مطابق، شہید کانسٹیبل محمد خان نے آج سے 23 سال قبل فرض کی راہ پر چلتے ہوئے ڈاکوؤں کے ساتھ ایک مقابلے کے دوران جام شہادت نوش کیا تھا۔ ان کی اس لازوال قربانی کو یاد رکھتے ہوئے پولیس حکام نے ان کی خدمات کو خراج تحسین پیش کیا۔
اس موقع پر سٹی پولیس افسر (سی پی او) فیصل آباد نے اپنے بیان میں کہا کہ شہداء نے ہمیشہ شہریوں کے جان و مال کے تحفظ کے لیے اپنی جانوں کا نذرانہ پیش کیا ہے۔ انہوں نے کہا کہ پولیس کے شہداء قوم کا قیمتی سرمایہ اور ہمارا فخر ہیں، اور ان کی قربانیوں کو کبھی فراموش نہیں کیا جا سکتا۔ سی پی او نے مزید اس عزم کا اعادہ کیا کہ شہداء کی فیملیز اور ان کے بچوں کی فلاح و بہبود کے لیے تمام تر وسائل بروئے کار لائے جا رہے ہیں۔
Latest Posts
